边个话情人节一定要送朱古力！会计界议员黄俊硕（Edmund）就收到波波糖嘞，仲话甜在心头添！边个送㗎？

贵州特产忆审计旧事

波波糖？唔系棒棒糖呀！Edmund喺社交平台贴文，话波波糖系贵州特产嚟。咦！畀咗贴士大家，估吓边个送嘅？咪就系佢嘅同事洪雯啰！洪雯嘅家乡系贵州，佢专登送畀Edmund嘅，波波糖嘅包装盒仲印有瀑布，系贵州另一名胜景点——黄果树瀑布。Edmund话令佢喺2月14日呢个特别日子甜在心头。

点解Edmund感受咁深？原来有段古。佢话食完波波糖后，即时回想起10几年前仍然喺旧公司做审计工作时，曾经到贵州为一项目做审计，当时亦曾去过啲名胜景点同食过波波糖。佢话当年都觉得波波糖几有特色，估唔到喺10几年后，可以喺同事洪雯手上再次食到呢款贵州特产。

佢仲话当年做审计，可谓走遍大江南北、穿州过省、走访唔少地方，亦正正令佢了解到唔同企业、行业嘅经营模式，种种嘅经验真系要经历过嘅朋友先明白㖞。


转载说明:本文转载自USDT交易平台。